#sevımlı satrlar

* * *

Субҳлар ҳўплайди патли ҳавони,

Бир кун ёлғончилик қилади апрель,

Мен сенинг келишинг ҳеч истамайман,

Бироқ кел.

Зар ип эшаяпти ёғдулар тошиб,

Зим – зиё ҳовонча эзғилайди ун.

Қавиб, тахлаб қўйди шойи кўрпани

Сен учун.

Жарангдор сочинг ҳам бўлар пўпакли,

Тиллақош топилар кўк сандиғида.

Уч газ булут кесса бўлар чимилдиқ,

Висол тоғида.

Киприкка илинган шабнам чўғдайин,

Бир кун ҳақиқатгўй бўлмади апрель.

Мен сенинг келишинг сира истамайман,

Бироқ кел.

Анбар инъом этар сенга чечаклар,

Тобе мамлакатдир сенга хуш чаман.

Мен эса чимилдиққа кираману,

Тиззангга бош қўйиб ухлаб оламан.

Суронлар чулғайди патли ҳавони,

Бир кун ўзим каби лақмадир апрель.

Мен сенинг келишинг ҳеч истамайман,

Бироқ кел…

Абдували Қутбиддин

@abduvali_qutbiddin

#sevımlı satrlar

* * *    

Ёмғирлар оралаб ўтади умрим
Баҳордан-баҳорга, кузлардан-кузга.
Ёмғирлар оралаб ўтади умрим
Китобдан-китобга, сўзлардан-сўзга.

Ёмғирлар оралаб ўтади умрим,
Томчилар қўйнида тонгларим отар.
Гоҳ томчи – булбулим, гоҳ томчи – қумрим,
Гоҳ томчи умримга питрадек ботар.

Ёмғирлар оралаб ўтади умрим,
Ўзим ҳам  томчиман – фалакдан тушган;
Мен бўрон кўзини очган бир «сим-сим»,
Ёмғирли қанотин силкитган қушман.

Ёмғирлар оралаб ўтади умрим,
Ҳар томчи – бир умр, ўзи бир дунё.
Ёмғирлар оралаб кузатаман жим:
Ювиниб боради аста кир дунё, –

Ёмғирлар оралаб...

                          Abdulla Sher

Тўйтепа,
2007

#ardog’imdagi tuyg’ular

 jimlik qo’ynida... 

    bir men, 

             bir sokin kuy, 

                          bir egasini, barmoqlarni 
               kutib        turgan “aqlli kitob”...

(bir so’z kelmas, aql ila bitishga 
                               “aqlli kitob”ga)

 men esa... 

      men esa...

                  bugun ozodlikka chiqardim 

sog’inchlarimni, xayollarimni...

              “xayr”,  ham degim kelmas ularga...

(ular ham ketgisi kelmas mendek sodiq egasining ichidan, salkam erkaladimmi ularni!? buning evaziga qo’shiq kuylab berdilar menga)

“t u n... o y m o m o s i z  x u n...
b i z  k a b i  m a h z u n... “ qo’shiqning davomi qulog’imga kirmadi...

men esa... haliyam
 uch nuqta aro kezaman, boraman, qaytaman, aytaman deyman-u aytmayman, qo’yaman takror nuqta... ichimda qolar bari...

qo’shiqning davomiga quloq tutaman, tanish, o’tli tuyg’ular haqida kuylardi yana xayollar:
              “ s o g’ i n ch  a l l a ll a y d i  j i m g i n a”

afsuski qo’shiqning davomi menga begona...

                

          men esa... 

                      jimlik qo’ynida...

                                 xo’rsinaman jiiim... 

                                                          17.04.2020 kecha yarım...

                                                                                   (A.D.R.)

           

 #sevimli satrlar

ОТАМ КУТГАН КУНЛАР  

Шукур, менга омад кулди, 

Бошимни қор тутганда... 

...Отам кутган   кунлар келди, 

Отам ўзи кетганда... 

Ҳар тонгу шом оила жам – 

тўлдик чинор сўрига, 

Аммо йўқ-да азиз отам 

чиқаргани тўрига... 

Уч кунгина кийган тўни 

эгасига ичиккан. 

У ҳам мендай падаримни 

асрагани кечиккан... 

   

Жилди қалин китобимни 

варақлайман ўртаниб, 

Кўрмади-я шу тобимни 

қиблагоҳим, нуртаним... 

Хуш кунимда 

шаштим қайтган, 

кўзимга ёш тўлади. 

Отагинам 

бир пайт айтган 

гап ёдимга келади; 

“Ўғлим, ёшсан, 

бил, 

албатта, 

оққан дарё оқади. 

Ҳали сенинг 

катта-катта 

китобларинг чиқади... 

Омадга дуч келасан сен 

ҳар лаҳза, 

ҳар онингда, 

Аммо 

ўша 

кунларда мен 

бўлмайман-да ёнингда...” 

Жоним отам, 

Ў! Жон отам! 

Буни қайдан билдингиз? 

Нимагаям, 

сиз ўша дам 

Авлиёлик қилдингиз?! 

Фаришталар қўли очиқ 

турганмиди ё у пайт? 

Дуоларнинг йўли очиқ 

турганмиди ё у пайт?.. 

Каловланиб , ниманидир 

қидираман кенг жойда. 

Катта китобимдан ахир 

сизсиз менга не фойда? 

О! 

Ичимга  

лим тўлди ғам, 

ботиб кетди офтобим... 

Сиз экансиз, энди билсам, 

асли катта китобим... 

Тўғри чиқди бугун, мана, 

Сиз қилган у башорат. 

Аммо, билсам,  

унда яна 

Бор экан бир ишорат - 

Эзгу ишни 

одам деган 

Маҳкам тутиб 

баридан, 

Умидларни тортсин экан 

Тушкунликлар 

қаъридан... 

Шеър бобида 

мен у дамлар 

Чўкиб қолгандим 

анча, 

Кўнгли яқин, 

дўст одамлар 

Куюнсаям 

ҳар қанча...  

Кўриб қолиб 

маккор тузум 

Ангорини, 

 афтини, 

Йўқотгандим 

ўзи маҳзун 

Юрагимнинг 

тафтини... 

Ота!   

Ўша гап мағзини  

Бугун 

энди чақяпман -   

Тушкунликнинг 

кир бўғзини 

Бор куч билан  

сиқяпман! 

Эркин юртда 

мен – эрка қуш, 

Ҳаққим борми 

чўккани? 

Юрагимда 

тиниқ товуш, 

Четга сурдим 

Чеккани! 

Битикларим 

элга ёқиб,  

Қўшиқ бўлсин, 

ёд бўлсин! 

Кулиб туринг 

менга боқиб – 

Пок руҳингиз шод бўлсин! 

...Шукур, менга омад кулди, 

бошимни қор тутганда... 

Отам кутган   кунлар келди, 

Отам ўзи кетганда... 

Баҳодир  Исо 

      2009-йил.

Suxanro poya gar e’zoz naboshad,
Tarzi xil’atash iyjoz boshad.

ma’nosi:

So’zning oyog’i sust bo’lmasin desang,
kiyinishi ixcham - qisqa bo’lmog’i darkor.

                                  Xumoyun Mirzo

  

  

Yomg’irli aprelning yana bir uyqusiz tuni...

Yomg‘irni tinglayman yomg’irli kecha...

Qalbimdagi sog’inch ezilar yomg’irda...

Oymomasiz osmondan oymoma qidiraman...

bir tovush, bir sas yo’q qalbimdagi sasdan o’zga...

qalbimdagi sasni eshitolmay qiynalaman sassizlikdan...

Yomg’ir kuy bastalagan bu qalb sasini bilmam, qachon eshitaman...

Q a ch o n

YOMG’IRNI TINGLAYMAN YOMG’IRLI KECHA..?

Kel,  yomg’irni tinglaymiz

                                            yomg’irli kecha...